Wat is 't Knoalster Schrievers Genootschop
't Knoalster Schrievers Genootschop (KSG) is n koppeltje schrievers dij schrieven in de toal zo as ze dat in de Knoalstreek proaten.
KSG is n gemainschop. Elks het gelieke veul te vertellen.
KSG het n Knoalster Woordenlieste. Elks dij bie de KSG is prat mit over t spellen van woorden in t Knoalster Grunnegs. Wèl wat op pepier zet het, kin t aan n aander zain loaten en om n oordail vroagen.
KSG helpt bie t uutgeven van bouken van leden.
KSG het n boukenkiste  woar bouken in zitten van Knoalsters schrievers van vrouger en nou.

Woarom t Knoalster Grunnegs 
Veur schrievers:
De toal van de Knoalstreek liekt op dat van de Veenkelonies. Mor der binnen veul woorden dij verschillend zegd worden.
n Schriever kin zien gedachten t beste op pepier kriegen as e schrieven kin zo as e  prat. Zó wil e zien woorden spellen en zó wil e lezen worden.
Om t goud op pepier te kriegen, is n aigen spellen neudeg..

Veur lezers:    
t Lezen van n dialect of streektoal is veur veul  mìnsen slim stoer. In t onderwies en de media word in de pervinzie Grunnen sikkom allenneg t Nederlands bruukt. De toal in Stad en de ommelanden verschillen.
Wel wend is om in ain van de Grunneger streektoalen te proaten het, bie t lezen van de toal uut n aander dail van Grunnen, n veursprong. t Lezen in de toal dijst sprekst is altied t makkelkst. 

In t algemain:
n Streektoal is nait altied bruukboar om wat uut te stukken. As droager van n bepoalde cultuur is t nait te vervangen. t Is doarom van pertansie om t in stand te holden.
De Knoalstreek is, toalkundeg bekeken, t jongste stuk Grunnen. t Volk is der verschaiden. t Knoalsters het zien oorsprong in t Veenkeloniaals, t Westerwolds, t Nederlands en t Drents. Invloud van t Vrais, zo as in de maiste aander streken van Grunnen, hest in de Knoalstreek nait.
Meer as in aander streken van de pervinzie, Stad en sommege dailen van t Westerkwartier nait mitrekend, worden in de Knoalstreek ook gewoon Nederlandse woorden bruukt. t Overzetten van boetenlandse woorden noar d’aigen streektoal is in de Kanoalstreek minder in de mode den aargens aans in Grunnen.
As je de knobbe "link" van dizze site indrukken den kin-je zain dat ter nog meer mit de Grunneger toal  aan de loop binnen. Dit is  n goie zoak. De KSG dut ter ook wat aan.
Dou mit! Stuur ons n mailtje!

De streek
t Knoalsters begunt omenbie Boareveld en gaait tot Troapel aan tou. In de Drentse Monden en in dailen van t Oldambt en Westerwolde proaten ze ook Knoalsters.

BEKIEK OOK EVEN ONZE  "BERICHTEN"