knoalsterschrievers
Website van Harry Töben
Over mien schrieverij

Over mien schrieverij
As kind (geboren in 1942) heb k op Muzzelknoal woond. Wie pruiten Grunnegs. Toun k vieftien joar was gung k noar zee. k Heb in Stad aan de Hogere Zeevaart School stedaard veur stuurman op de grode handelsvoart.  Op mien dattegste bin k aan de wale goan. 
Mit vraauw en kinder heb k eerst op Stadsknoal en doarnoa op Hoogezand woond. 
Deur waark bin k in Lemmer terechte kommen. k Heb vievendatteg joar in Vraisland woond. 
Op t heden woon k in Stad.

In 1985 heb k mie omscholen loaten tot journalist. Veur de lol speul k jazzmeziek op de schoeftrombone en heb k iemen. k Bin specialiseerd in koninginnenteelt. Over dat onderwaarp  heb k mien eerste bouk schreven. t Het as titel  Koninginnenteelt in Lemmer. t Bouk is uutverkocht.

In tied dat k in Vraisland woonde begunde mien Grunnegs te slieten. Ain-, twijmoal in t joar kwam k n poar uur in Grunnen en pruit k Grunnegs mit mien femilie. Woar t  Grunnegs verdween verscheen t Vrais.
Ede Staal was al sikkom vieftien joar dood, dou mien bruier Ton mie der op wees dat Ede haile mooie laidjes in t Grunnegs mokt haar. Noadat k ter wat van heurd haar, heb k alles wat ter van Ede Staal te kriegen was kocht. Ook zien dubbel-cd mit verhoaltjes dij e op zundagmörn veur radio Noord verteld haar. k Begon ook t tiedschrift Toal en Taiken te lezen.

Dou k weer tied kreeg om mit mien computer aan de loop te goan bedocht k dat nog hail wat verhoalen in de kop haar dij aigenlieks op pepier mozzen. k Huifde nait meer veur mien brood te schrieven en n dail van mien verhoalen speulden zuk òf in mien jeugdjoaren. Dat, ik nam t besloet om mien verhoalen in t Grunnegs te schrieven.
Dat vuil mie nait tou. Bie de Boukenkist in Scheemda haar k al n moal zöcht om Grunneger studiebouken. Dij wazzen der nait, behaalven t zakwoordenboukie van Siemon Reker en t woordenbouk van K. ter Laan. Dij heb k mie kocht.
Op n joarlijkse dag van Toal en Taiken, in t Geert Teiscentrum op Stadsknoal kwam k mit Jan J. Boer aan de proat. Ik vruig hom, woar of ik t Grunnegs schrieven leren kon. Hai zee mie dat as k in t Grunnegs wol schrieven, veul Grunneger bouken lezen mos en den mor gewoon begunnen te schrieven. Boukenkist en De Slegte kregen n dikke klant aan mie. 
k Kwam der achter dat gemainte Stadsknoal n schriefwedstried huil. Doar heb k aan mitdoan. k Docht, n pries zol k wel nait kriegen, mor as de jury mie de fouten uut mien verhoal hòl, den bin k wat op glee. Der zatten hail wat fouten in. Toch kreeg k de twijde pries.

In de winter van 2005 bin k noar Stad west en heb k doar de cursus Grunneger Toal veur Begunners deurlopen. Mien schrieverij in t Grunnegs wui beter en k dus mitdoun aan de priesvroag van stichting t Grunneger Bouk om n kerstverhoal te schrieven. k Kreeg de daarde pries.
Op de cursus kwam k Lou Meyer tegen. Hai woonde in Stad en haar, net as mie, zien jeugd op Muzzelknoal deurbrocht. Lou haar ook al wat verhoalen schreven.
Noa òfloop van de les gungen we noar t kefé. Wie pruiten over de cursus dij wie aan t volgen wazzen. We kwammen tot de conclusie dat we baaide groag schrieven wollen in de toal zo as ze dat in de Knoalstreek proaten.
Wie hebben dou bedocht dat we t Knoalster Schrievers Genootschop in t leven roupen mozzen.
In Stad heb k t manuscript van mien bouk in t Knoalster Grunnegs kloar mokt. 

Mien verhoalenbundel Van Onder De Pedde is in 2008 verschenen. In t Streek Historischcentrum in Stadsknoal heb k t eerste exemploar aan Jan J. Boer geven. Noatied hebben we der n zeupie op dronken.

n Poar moand loater belde Jaap Duit, de wetholder van de gemainte Stadsknoal mie. Hai vertelde, dat ze van schipper Harm Davids, zien binnenschip de Jatrie kregen haren. Ze wollen der n museumschip van mokken. Jaap Duit vruig mie of k n bouk schrieven wol over t leven van Harm Davids en zien schip. t Bouk HARM DAVIDS SCHIPPER VAN DE JATRIE is in 2010 verschenen.

k Haar in de kop om nog weer es n bouk in t Grunnegs te schrieven. t Mos n roman worden. Dou k goud en wel op glee was, schoot mie de titel in de kop en wos k dat t n misdoadroman worden zol.  t Is LIEK ACHTER DE BADDE worden. De eerste misdoadroman dij der in de Grunneger toal schreven is. t Is in april 2011 verschenen.  

In de tied dat k in Lemmer woonde bin k doar mit n jazzorkest begonnen. k Heb ter n jazzclub opricht en regelde jazzfestivals. Dat gung meroakels en k heb ter hail wat mit beleefd. k Vond t de muite weerd om der n bouk over te schrieven.  Jazz op 'e Lemmer is in april 2012 verschenen.  

In 2013 heb k aan de Rijksuniversiteit Groningen college lopen bie prof. dr. Siemon Reker. In 10 colleges van 2 uur heb ik t Grunnegs op akedemisch niveau onder de knèje kregen. Mien waarkstuk kreeg n haile goie beoordailen van de prof. Hai schreef: "Doe bist ter kloar mit. " In overleg mit Siemon reker heb ik n essay over t Grunnegs van de Knoalstreek schreven. t Verscheen begun 2014 onder de noam: ALLES OVER T KNOALSTER GRUNNEGS. 

In november 2014 is mien zesde bouk verschenen. t Is n verhoalenbundel/roman. k Heb eerst 16 verhoalen/hoofdstukken in t Grunnegs schreven en toun heb k dij vertoals in t Nederlands. Baide versies binnen in áin omslag onderbrocht. Aan d'aine kaande staait as titel Mie&Gittje en aan d'ander kaande Ik&Geertje.






Reacties

Pagina234
Markmeals op 06-07-2018 10:18
cialis safety concerns cialis 5mg can you buy cialis online canada [URL=http://cialis-tt.com#tadalafil+prices ]cialis for sale[/URL]
Markmeals op 06-07-2018 12:25
daclatasvir india generic cialis buy cheap cialis online isoket 20 wirkstoff cialis [URL=http://cialis-tt.com#cialis+generic+availability ]buy cialis online[/URL]
Markmeals op 06-07-2018 14:35
cialis overnight fedex cost cialis cost radice di tarassaco controindicazioni cialis [URL=http://cialis-gg.com#coupon+tadalafil ]cialis online[/URL]
Markmeals op 06-07-2018 18:29
giarlam generico de cialis cialis cost normolip 5 controindicazioni cialis [URL=http://cialis-gg.com#cialis+daily ]generic cialis at walmart[/URL]
Markmeals op 06-07-2018 23:59
2005 cialis western open cialis coupons 2018 generic cialis price [URL=http://cialis-tt.com#20mg+cialis ]tadalafil generic[/URL]
Markmeals op 07-07-2018 06:12
buy cialis online europe tadalafil generic virasal generic cialis [URL=http://cialis-gg.com#cialis+20mg ]tadalafil generic cialis 20mg[/URL]
Markmeals op 07-07-2018 12:50
viagra cialis spam email tadalafil 20mg non prescription cialis uk supplier [URL=http://cialis-tt.com#generic+cialis+tadalafil ]tadalafil 20mg[/URL]
Markmeals op 07-07-2018 19:11
levitra babyfoon onderdelen vaatwasser cheap generic levitra ysu news best levitra price [URL=http://levitra-gg.com#levitra+10+mg ]levitra coupon[/URL]
Pagina234
Commentaar
Jouw naam/bijnaam
Website url
E-mail
Je Punt profiel
Dit is een verplicht veld